===== ابوذيه =====

===== ابوذيه =====
وحك الي براقه ابليل اسرى
نحبكم حب جنون وبيه اسرى
حلم نلتم سوى ونصير اسرى
اصير انه الك وانته اليه
===============
حبي المانشد عني ولا سال
ودمعي ماجره الغيره ولا سال
ابــــــشرك لامرض بيه ولا سل
بس هجرك حبيبي العم عليه
================
==== دارمي =====
حزني بغيابك صار حزن ازغر النوك
مرعوبه والكصاب ماخذها للسوك
هم همي هم الناس هم هم الطيور
شفت الصكر ياناس حارس عليه عصفور
اكدر اسكت الناس ام وخوتك
لكن شكول لهواك لودره بموتك
===========================
======= عتابه =========
تعال وشوف كلبي من بعدكم
حزين ومايحب احد بعدكم
لوطال العمر وانتو بعدكم
يضل حبكم ابكلبي الى يوم الحساب
================
ركبت براس كوكب وين اهلنا
ندور بالمنازل وين اهلنا
يهل طرف المجابل وين اهلنا
غدو عني وعنك چالسراب
=================
====== سويحلي =======
مرسالين دزيت الك والثالث اجيت اني
شنهو اسباب الزعل وينكم يخلاني
======================
مريت للدار لني الدار تشكيلي
يدار وين ارحلو اهل التعاليلي
==================
سل سلني سل فركاك سل سل عظامي
خلاني عكس الناس امشي على هامي
=======================
============ زهيري =============
ياترف حبك تره خلاني اكتب شعر
وكلبي الغيرك ابد مارف حنينه وشعر
تلفان ضليت وشاب الكلب والشـــــعر
ابحر الهموم اغركت وانته الفرح من هلك
بالروح ماضل صبر راح اخطفك من هــــلك
اسئل الحبو كبل من الناس منهو هلـــــــك
عكب الدلال اصبحت بصحراء وبيت الشــــعر
=======================================
ياترف هيهات من عشرت اودادك نمل
ايظا ولايوم من ادروب الموده نميل
وما أنت فاضي من هلك مانمل
وياما بچينا الفركاك والدمع يجري
وأدري بطبعك وفي أو علولف يجري
أنته تدلل وكلشي الخاطرك يجري
لجل عينك ايهون لوتطلب حليب النمل
==============================
بجفاك دمع الحزن فوك الوجن ساري
وانته بعيد الدرب عنب رحلت ساري
أنشلت يميني كبل مانشلت ايساري
واصبح حسافه الملح مايرهم بجدري
وجدري يدنيا علي ثوب الفكر جدري
أنچان ساري ارتمه وصابوا مرض جدري
اني الجرالي يخوي ايهون عد ساري
**********************
العراقي يقول لجورج بوش::
لزكت بهل الحكم يا بوش لزكة...
وتصويرك صبح بالصحف لزكة..
. لزكوك بـقـبـغـلي شلون لزكة...
جلد روغان راواك المنية))

..... وبوش يقول للعراقيين::
زمانك لو يهف وياك هفه...
وهوى الاحباب ويه الريح هفه..
. قـبـغـلي الزيدي هفني شلون هفه...
بخت عندي وترس ما طاح بيه)).

عرآقييـن وبالحـرب يرهـب ضربـهم
وبالكــرم يشبـع ويوجـع ضـربهـم
منتظر الزيدي بالقندره ضربهم
ولبوش النذل انطى احلى هديـه

وطنه يريد نفزع منتضرنة
وضرب بوش بحذائه منتضرنة
بوش اشبع قنادر من تضرنة
ذليل وهانك ابن العراقية
!!!!!!!!!!!!!!!!!!!
شنيت الحرب ضدي مشن بيك
بتوت الكلب شالنك مشن بيك
اعرفنك لبن خالص مشن بيك
اصيل وما بدت منك رديه

************
سيوفه الدهر بس ليه جردهن
وليالي الشوم لبسني جردهن
علي حسبات لو رايد جردهن
دفاتر كون ما تلحك عليه

************
يدنيه بشوك مره طربينه
تعبنه وبعد مامش طربينه
يحادي النوك ضعنك طربينه
اخذني وياك لا تبعد عليه
..
((تسئليني احبج))
اذا ماحبج انتي اشلون احب الناس
يا أول غرام بزغري وبكبري
واذا ماأشوفج انتي اشلون اشوف الناس
واني بغير شوفج بي قصر نظري
حبيتج سهر وايامي غابت ليل
وبس وياج اسهر يابعد عمري
اذا مو الج اكتب ماأحس بالشوك
واني لعلمودج اكتب بشعري
جربتج اهواي وشفتج اوفه الناس
يا أول حبيبه اتحملة قهري
اسئليني بحياتي شكد تمر نسوان
ليش انتي الوحيده الباقيه بفكري
واسئليني ابحياتي اشبيهة من هموم
ليش انت الباقيه بصدري
يا اجمل محطه البيهة كلبي ارتاح
يانهر الحنان بالكلب يجري
تغفه عيون ويامه ويامه نامت ناس
واني ويه الاشواك ملتهي بسهري
اقرب من اشوفج واحترك مرات
واحسب من بعيده ويختنك صدري
ويمر طيفج هوه واحتار اشمه منين
وشكو احلى بعمري من الهوى العذري
وتسئليني احبج اي احبج والله
وبس ليش احبج صدكيني ماأدري